ጆሃንስበርግ

በጆሃንስበርግ በወንዞች ሥርዓት ውስጥ ያሉ ባዕድ ወራሪ ዝርያዎች የከተማዋን የውሃ ዋስትና አደጋ ላይ ጥለውታል፣ የጎርፍ አደጋን ጨምረዋል እንዲሁም በአካባቢ ብዝኃ ሕይወት ላይም ተጽዕኖ በማሳደር ላይ ናቸው። በጁክስኪ ያሉ ማኅበረሰቦች በተለይም ውስን የመላመድ አቅም ያላቸው ዝቅተኛ ክፍሎች ከሙቀት መጨመርና በከተሞች ከሚስተዋለው የከፍተኛ ሙቀት ደሴት ተፅእኖዎች ጋር በመታገል ላይ ናቸው፡፡

የጁክስኬይ ተፋሰስ ጥቅጥቅ ብለው የተገነቡ መደበኛና ኢ-መደበኛ የመኖሪያ አካባቢዎችን፣ የግብርና ቀጣናዎችንና የችርቻሮ ማዕከሎችን ያጠቃልላል። በእነዚህ ክልሎች ውስጥ ያሉ ኢ-መደበኛ ሰፈራዎች በተለይ ለጎርፍ ተጽእኖዎች፣ ለተበላሹ መሠረተ ልማቶችና ለዕቃ መጥፋት ተጋላጮች ሲሆኑ ጎርፍ በሚከሰትበት ወቅትም ከጤና ጋር የተያያዙ ስጋቶች የተለመዱ ናቸው።

ሱንካሳ በአካባቢው ከሚገኙ አጋሮች ጋር በመተባበር የከተማዋን የውሃ መስመሮች የሚዘጉ ባዕድ ወራሪ ዝርያዎችን ለማስወገድ፣ የወንዙን ​​ዳርቻ መልሶ ለማልማት፣ የከተማ ሙቀትን ለመቆጣጠርና የውሃ ዋስትናን ለማሳደግ ቅድሚያ ይሰጣል። በተጨማሪም  ሥራዎቹ የሀገር በቀል ዕፅዋትንና ዛፎችን ለማስፋፋት አረንጓዴ ቦታዎችን በዛፍ ተከላና አትክልትና ፍራፍሬ ማልማት ሥራዎች ላይ ያተኩራሉ።

ተፈጠሮን መሠረት ያደረጉ መፍትሔዎች እንቅስቃሴዎች በጁክስኪ ወንዝ ተፋሰስ